\n\n\n
الشاشات الـ LED والـ OLED بقت حساسة جداً. الشاشة (الـ Panel) بتمثل 80% من تمن الجهاز. يعني لو اتكسرت، كأنك رميت الجهاز. إزاي تحافظ عليها؟
\n\nأعداء الشاشة الثلاثة:
\n- \n
- سوايل التنظيف: أكبر غلطة إنك ترش ملمع زجاج أو ميه مباشرة على الشاشة. السائل بينزل تحت الإطار (Bezel) وبيوصل لـ "الكوفات" (COF) والمساطر الإلكترونية. النتيجة: خطوط طولية ملونة أو شاشة سوداء. الحل: رش السائل (المخصص للشاشات) على الفوطة الأول، وامسح برفق. \n
- الكهرباء غير المستقرة: الشاشات الحديثة فيها "بوردة" حساسة جداً. لو الكهرباء قطعت وجت عالية، الباور سبلاي بيطير. الحل: افصل فيشة الشاشة وقت انقطاع الكهرباء، أو ركب مشترك بفيوز حماية. \n
- الأطفال واللعب: خبطة كورة، ريموت طار، لعبة اتحدفت.. الشاشة مش بتستحمل. الحل: لو عندك أطفال، ركب "سكرينا" (Screen Protector) أكريليك حماية، وعلق الشاشة على الحيطة في مستوى عالي بعيد عن إيدهم. \n
عطل "الصوت شغال والصورة مفيش"
\nده أشهر عطل في الشاشات الـ LED. السبب بيكون احتراق "الليدات" (Backlight LEDs). دي اللمبات اللي بتنور ورا الشاشة. تغييرها بيتم عندنا بمسطرة ليدات "أصلية" (مش توفيق) عشان تضمن توزيع إضاءة متساوي وألوان طبيعية، وبنعمل تعديل في الفولت عشان تعيش أطول.
\n\nالبيكسل المحروق (Dead Pixel)
\nلو لقيت نقطة سوداء أو ملونة ثابتة في الشاشة. لو عدد النقط زاد عن حد معين في فترة الضمان، بنغيرلك الشاشة (Panel) بالكامل مجاناً.
\n