\n\n\n
بتفتح الحنفية، تسمع صوت "تكتكة" الإشعال، بس النار مش بتلقط والميه بتنزل ساقعة. ده أشهر عطل في سخانات الغاز، وليه أسباب محددة.
\n\nالأسباب والحلول
\n- \n
- الحجارة (البطاريات): ده أول وأبسط سبب. لو الحجارة ضعفت، الشرارة بتبقى ضعيفة ومش بتقدر تفتح صمام الغاز. جرب تغير الحجارة بنوع نضيف (Alkaline). (نصيحة: ركب "أدابتور" شاحن أصلي وريح دماغك من الحجارة). \n
- جلد الرداخ (Diaphragm): دي قطعة كاوتش مسؤولة عن الإحساس بضغط الميه. مع الوقت بتنشف أو تتقطع، فالسخان مبيحسش إنك فتحت الميه أصلاً. حلها بسيط ورخيص: تغيير الرداخ. \n
- ضغط الميه الضعيف: سخان الغاز بيحتاج ضغط ميه معين عشان يشتغل. لو ساكن في دور عالي والميه ضعيفة، السخان مش هيقوم. الحل: ظبط السخان على أقل ضغط (Low Pressure) أو تركيب موتور ميه. \n
- حساس الأمان (Sensor): لو الشعلة بتولع وتطفي بعد ثواني، ده غالباً حساس الأمان. وظيفته يفصل الغاز لو النار انطفت. لو باظ أو اتسخ، بيفصل غلط. محتاج تنظيف بصنفرة ناعمة أو تغيير. \n
تحذير
\nلو شميت ريحة غاز وإنت بتحاول تشغله، اقفل فوراً. ولاعة السخان أو "الميكروسويتش" ممكن يكون معلق. اتصل بينا نكشف على دورة الغاز بالكامل.
\n